Ən nəhayət yeni layihəmiz uğurla başa çatdı və istifadəyə verildi. XəbərNamə ‎Azərbaycanın ilk “Bookmark community”, yəni ictimai virtual keçidləmə adlanan saytıdır. Dünyada digg.com kimi məşhur olan sistemin milli versiyasıdır.

Bu sayt Azərbaycan internet məkanında yeni bir layihə olmaqla yanaşı Azərbaycan internet istifadəçilərinin demək olar ki, məlumatsız olduğu bir sistemdir. Ona görə də istifadəçilər bu sayt barədə daha geniş saytın özündən oxuyaraq faydalana bilərlər.

 ‎Saytın əsas təkanverici qüvvəsi onun istifadəçiləridir. Yəni saytın inkişafının və irəliləməsinin əsas səbəbkarları məhz sizlərsiniz. Ona görə də sayta daxil olaraq sayın işləmə prinsipləri və qaydaları ilə ciddi şəkildə tanış olmağınızı xahiş edirik. Əgər sizlər düzgün şəkildə saytdan istifadə etsəniz AzNetdə yeni olan bu layihənin inkişafına dəstək olacaqsınız. Və sözsüz ki, sayta mütəmadı xəbər göndərməklə, şərh yazmaqla, bir sözlə aktivlik nümayiş eləməklə də bu yeni layihəni tanıtdıracaqsınız.

Əgər bu yeni layihəyə maraq göstərərək dəstək versəniz biz daha da əzmlə çalışaraq onu inkişaf etdirəcək və yeni-yeni layihələrə imza atacağımıza söz veririk. Artıq bizim də internet məkanımızın genişləməsinə və daha faydalı, maraqlı layihələrlə zənginləşməsinə ehtiyacı var. Və bunu bizlər, sizlər edəcəyik!

XəbərNamə saytı barədə hər nə fikriniz, ideyanız, məsləhətiniz, tənqidiniz varsa bizimlə bölüşün. Məmnuniyyətlə sevinərik və saytı sizin istəklərinizə görə inkişaf etdirməyə, yeni imkanlar yaratmağa çalışarıq. Həmçinin başqa hansı layihələr və proyektləri netimizdə görmək istədiyinizi də bizimlə bölüşə bilərsiniz!. Uğurlar!